This short hemerology is found in the Admonitions of Ādurbād to his son (HAM 119-149 (Pahlavi Texts, 69-71; K 27, 3v-5 v)). It is not found in the Arabic translation of the HĀM in the Jāvēδān Xrad nor in the Persian rendering of Dārāb Pāhlan, which leads one to support that it may be a separate text.
pārsīg
1. ohrmazd rōz may xvār ud huram bāš.
2. vahman rōz vastarg ud jāmag ī nōg peymōz.
3. urdvahišt rōz ō mān ī ātašān šav, [K ātaš niyāyišn kun dā āyaft ī tō ravāg šavād].
4. šahrever rōz šād bāš, [K ud ayōšust bē pahrēz].
5. spendarmed rōz varz ī zamīg kun.
6. hurdād rōz jōy kan, [K ud āb bē pahrēz].
7. amurdād rōz dār ud draxt nišāy.
8. day-ped-ādur rōz sar šōy, ud mōy ud nāxun vīrāy.
9. ādur rōz ped rāh šav [K /kū drust abāz āyāy/]; ud nān mā paz, cē vināh ī grān baved.
10. ābān rōz az āb pahrēz kun, ud āb mā āzār.
11. xvar rōz kōdak ō dibīrestān kun dā dibīr ud frazānag bavād.
12. māh rōz may xvār, ud abāg dōstān viyufsišn kun, ud az māh ī xvadāy āyaft xvāh.
13. tīr rōz kōdak ō tigr vistan ud nibard ud asvārīh hamuxtan frēst.
14. gōš rōz parvarišn ī gōšurog kan [K ud gōšt mā xvar], ud gāv ō varz hamōz.
15. day-ped-mihr rōz sar šōy, ud mōy ud nāxun vīrāy, ud angūr az razān abāz ō karxuš abgan dā šīrēn bē bavād.
16. mihr rōz agar-t az kas mustumandīh-ē abar mad ēsted pēš mihr ēst, az mihr dādvarīh xvāh, ud garzišn kun.
17. srōš rōz bōxtārīh ī ruvān ī xvēš rāy az Srōš-ahlā āyaft xvāh.
18. rašn rōz rōzgār sabuk, ud harv kār ī kāmē [K xvāhē] kirdan andar frārōnīh kun.
19. fravardīn rōz sōgand mā xvar, ud hān rōz yazišn fravahr ī ahlavān kun dā hušnūttar bē bavānd.
20. vahrām rōz bun ī xān ud mān abgan dā zūd ped frazām rasād, ud ō razm ud kārezār šav dā ped pērōzīh abāz āyāy.
21. rām rōz zan xvāh, ud kār ud rāmišn kun, ud pēš dādvarān šav dā ped pērōzīh ud bōxtagīh āyāy.
22. vād rōz drenzišn kun, ud kār nōg mā peyvann.
23. day-ped-dēn rōz harv kār kāmeh kirdan kun, ud zan ō xānag āvar, ud mōy ud nāxun vīrāy, ud jāmag pōš.
24. dēn rōz xrafstar ōzan.
25. ard rōz harv tis-ē nōg xrīn, ud andar xānag bar.
26. aštād rōz asp, gāv, stōr ō gušn hil dā ped drustīh frāz zāyānd.
27. asmān rōz ped rāh dūr šav kū ped drustīh abāz āyāy.
28. zamyād rōz dārūg mā xvar.
29. mārspend rōz jāmag abzīn ud dōz ud pōš; ud zan ped zanīh gīr kū frazend ī tēzvīr ī nēk zāyād.
30. anērān rōz mōy ud nāxun vīrāy, ud zan ped zanīh gīr kū frazend ī nāmcištīg zāyād.
[K anōšāgruvān bād Ādurbād ī Mahrspendān kē-š ēn handarz kird, u-š ēn framān dād. ēdōn bād!]
English
Related literature:
Ādurbād ī Mahrspendān (under preparation)vīst-u-do-vāzag (Ādurbād) | Twenty-two words