This portion belongs to the Āfrīn-texts. In some manuscripts, it is found as the preface of the Āfrīn ī šaš gāhāmbār (e.g. R 115: 334-357). Dhabhar gives it the general heading of Āfrīn.
pārsīg
(1) hamāgzōr hamāg-ahlō bēd!
hamāg-zōr hamāg-nēkīh bēd!
hamāgzōr ī dādār Ohrmazd rayumand xvarrahumand, ud amehrspendān!
hamāgzōr bēd ādurān ud ātašān!
hamāgzōr bēd fravahr ī ahlavān!
hamāgzōhr bēd dēn ī veh ī mazdesnān!
(2) [āyaft xvāstār ham kū kār ud kirbag, yazišn ī drōn ud myazd, dahišn ī] ahlōdād, rādīh, ud zōhr-barišnīh, ahlavān-šnāyēnīdārīh, ud abārīg hamāg kār ud kirbag andar dām hamē kunam. nāmcištīgīhādar ruvān ī amāh ī ēdar ped hamkirbīh ī vehān (/yazdān) kird ud rāyēnīd, bē ō xvēš pedīrišn.
šnāyišn ī fravahr ī ahlavān ped ganz ī dādār Ohrmazd rayumand ud xvarrahumand ud amehrspendān bē rasād!
ud pādāšnēnīdārān rasišn ud vaxšišn, ēstišn ud pettāyišn bavād!
yazdān mēnōgān ud yazdān gētīgān, mēnōg rōzgār, fravahr ī ahlavān az Gayōmard dā pērōzgar sūdumand purxvarrah Sōšyāns, astān ud būdān ud bavedān, zādān ud azādān, ādehīg ud uzdehīg, dahm nar ud nārīg, aburnāy ud purnāy harv kē abar ēn zamīg ped ērīh ud vehdēnīh viderān šud hend, kē fravahr-ruvān ī avēšān āyād kirdan arzānīg hend, <amāh> fravahr-ruvān ī avēšān ēdar āyād kird hend!
amāh, emēdvār ī avēšān, ped āyād kirdan, avēšān kirbag arzumanttar.
hamāg fravahr-ruvān ī avēšān ped ēn yazišn-kirdārīh ud myazd-rāyēnīdārīh, ēdar āyād bād!
dahmān kē ped ēn myazd āmad hend, az ēn myazd bahr grift, harv gām-ē rāy hazār-u-dvēst gām ī vahišt, rōšn garōdmān, bē ō pedīrag āyed.
ped abāz šudan vināh az bun bē šavād!
ud gētīg nēk bavād!
ud mēnōg veh bavād!
sar-frazām ahlāyīh bē abzāyād!
ruvān garōdmānīg bavād!
ahlō bavēd ud dagr zīvēd!
English
See also:
āfrīnagān ī gāhāmbārāfrīn ī sūr | A Banquet Speech (ĀfS) āfrīn ī myazd | The Benediction of ritual repast (ĀfM)āfrīn ī vazurgān | The Praise of the Great Ones (ĀfV)